Zu Ninu

La zuppa dello Zio Nino - ricetta tipica siciliana

Tri bucaleddi d’acqua di cillìtta

e unu d’acqua i mari, linna linna.

‘Na làmpana, ddu’ prècchi, ddu’ sirràni,

‘na scròfona, ‘na uopa, ‘n lupiceddu;

‘n còcciu e (su cci su) ddu cavaleri.

Tri bboti tri di còzzuli (spurgati)

‘n pizzulùni di jammuru (’mpiriali)

ddu’ chiappiri (di chiddi ‘ncappucciati).

Ddu’ pampineddi i puddisinu (friscu),

nu spìcchiu d’agghia (minuzzatu finu),

‘na punta di cuteddu i pipi spezzi.

A focu lentu, ‘nta nu tianu (’i crita),

ccu ‘n gniriteddu d’ogghiu (i chiddu bonu),

lassàti cca si còcinu menz’ura,

cummigghiati (sia mai), cca poi si sbenta!

Passati a broru e mentri ancora fuma,

pittàtila o Zu Ninu, accumpagnàta

cu ‘na vastedda di frumentu (i casa)

e ccu ‘n litrottu i chiddu di Pachinu.

Se poi qualcunu, ppi curiositati

(o ppi malizia), mi dicissi: - senti

cchi fa un “Zu Ninu” doppu ssa ‘nzzuppata? -

ci rispunnissi: ggiummu d’insalata!

lavissutu a sapiri ca u “Zu Ninu”

sa fira ancora d’ammuttari a “Ciuzza”

sutta punenti, finu e Scogghi Longhi.

Ppi fari chi? ppi fariti… ‘nzignari

u locu ra ciarusa trimmulina;

ppi fariti, vulennu ‘mbriacari

di chiddu bonu i..(donna Carulina)

ppi fariti … accapiri cca u Zu Ninu

appena agghiorna, tonna a… ripiscari

Nino Angelino

Mi pareva troppo bella.

PORCO BOIA MI HAN TOLTO LA PAGINA DEL LINK!!!!!!! Niente traduzione...